Turichya Danynchi Usal (तुरीच्या दाण्यांची उसळ)

सोप्पी, साधी आणि चवीला अतिशय रुचकर….

Read this recipe in English.......click here.

साहित्य:

• तुरीचे दाणे - १ १/२ कप (५०० ग्रॅम तुरीच्या शेंगापासून)
• टोमॅटो, बारीक चिरून- १ मध्यम
• मोहरी- १ टिस्पून
• जिरे - १/२ टिस्पून
• हळद - १/२ टिस्पून
• हिंग- एक चिमूटभर
• कोल्हापुरी चटणी मसाला/कांदा-लसुण मसाला- 2 ते 3 टिस्पून
• तेल - 3 टेबलस्पून
• कोथिंबीर - एक मूठभर
• ओले खोबरे, खवुन- २ टिस्पून
• मीठ - चवीनुसार

कृती:

• पॅन मध्ये तेल गरम करावे. मोहरी, जिरे, हळद आणि हिंग घालून फोडणी करावी.
• त्यात तुरीचे दाणे घालावेत. लगेच पॅनवर झाकण ठेवा कारण दाणे फोडणीत टाकल्यावर उडू लागतात. मंद आचेवर २-३ मिनिटे शिजू द्यावे.
• नंतर टोमॅटो, कोल्हापुरी मसाला, मीठ घालून चांगले मिक्स करावे.
• थोडे पाणी शिंपडा आणि खोबरे आणि कोथिंबीर घालून मिक्स करावे.
• झाकण ठेऊन मंद आचेवर ५ मिनिटे शिजू द्यावे. उसळ तयार आहे.
• पोळी किंवा भाकरी सोबत हि चवदार उसळ सर्व्ह करावी.
• किंवा ... प्लेट मध्ये थोडीशी उसळ घेऊन त्यावर चिरलेला टोमॅटो, कांदा, कोथिंबीर, लिंबाचा रस आणि शेव टाका. एक नाश्ता म्हणून सर्व्ह करता येईल.

टिपा:

• कोल्हापुरी मसाला ऐवजी ( 1½ टीस्पून तिखट + 1½ टीस्पून गोडा मसाला) वापरू शकता.
• फोडणीत हवा असल्यास चिरलेला कांदा घालू शकता.
• मटार, ओला हरभरा, वाल/पावटा दाणे वापरून अश्या प्रकारची उसळ करू शकता.