Kothimbir Vadi (कोथिंबीर वडी)

खुसखुशीत आणि रुचकर, लहान-थोर सगळ्यांना आवडणारी कोथिंबीर वडी !

Read this recipe in English........click here.

साहित्य:

• कोथिंबीर, कापुन- १ मोठी जुडी (अंदाजे ४ कप) 
• बेसन- २ १/४ कप 
• तांदळाचे पीठ- १ टेबलस्पून 
• हळद- १ टिस्पून 
• हिंग- १/२ टिस्पून 
• मिरची पुड- २ ते ४ टिस्पून (आवडीप्रमाणे) 
• जिरे पुड - १/२ टेस्पून 
• तीळ - 2 टेबलस्पून 
• खसखस- १ टिस्पून 
• मीठ- चवीनुसार 
• तेल- आवश्यकतेनुसार 
• पाणी- फार थोडे (अगदी १ टेबलस्पून) 

कृती:

• कोथिंबीर निवडून घ्या. लहान, कोवळी देठे पण घ्या. 
• कोथिंबीर धुवा आणि चाळणीत ठेऊन निथळून घ्या. पाणी निथळल्यावर कोथिंबीर चिरून घ्यावी. 
• तेल आणि पाणी वगळता कोथिंबीर आणि सर्व साहित्य परातीत एकत्र करा. चांगले मिक्स करावे. 
• १ टेबलस्पून तेल गरम करून मिश्रणात ओतावे. चमच्याने मिक्स करावे. 
• थोडे थोडे पाणी घालावे आणि छान एकत्र मळून गोळा बनवा. 
• त्याचे २ भाग करून लंबगोल आकाराचे गोळे/उंडे करा. 
• भांड्याला आतून थोडे तेल लाऊन घ्या, त्यात ते गोळे ठेवा. 
• २० मिनीटे वाफवुन घ्या. (मी मायक्रो-ओव्हन मध्ये वाफवले, साधारण ६ ते ८ मिनीटे लागतात.) 
• वाफवून झाले कि त्या गोळ्यात सुरी किंव्हा टूथ-पिक टोचा, ती बाहेर स्वच्छ आली तर वडी शिजली आहे. 
• थंड झाल्यावर साधारण पाव इंचाचे काप करा. 
• वड्या सोनेरी रंगावर तळून (शालो फ्राय किंवा डीप फ्राय) घ्या. 
• एक नाश्ता म्हणून हिरव्या चटणी आणि टोमॅटो केचपबरोबर किंवा जेवणात तोंडीलावणे म्हणुन कोथिंबीर वडी गरम सर्व्ह करावी. 

टिप:
दुसऱ्या पद्धतीने कोथिंबीर वडी करू शकतो. थाळीला तेल लाऊन त्यात कोथिंबीरीचे मिश्रण थापावे. वाफवून घेऊन थंड झाल्यावर चौकोनी वड्या पाडाव्यात.